اختلط عليا الامر لما سمعت العصافير صاحية قبل اذان الفجر
واختلط عليا الامر لما شفت تجمعات النمل العظيمة اللى اتجمعت ف اقل من نصف دقيقة على الحيطة وعملت شكل غريب..حسيت منه ان النمل عاوز يقول حاجة..!
واختلط عليا الامر لماحسيت بالوحدة وانا مع كل الناس اللى بحبهم واللى هما جزء منى وانا جزء منهم
واختلط عليا الامر برده لما نزلت دموعى ولقيت السما بتشاركنى بدموعها الهادئة ف شهر مايو اكتر من مرة على غير عادة
واختلطت انا شخصيا من غير الامر لما سمعت عمو بوش ف خطابه امام الكنيست بمناسبة عيد ميلاد اسرائيل(اللى طلعت نفس برجى) اللى حسسنى ان انا اللى غلط وانى لازم اقوم اعتذر لاسرائيل حالا على م اقترفته ف حق هذا البلد المناضل
لا بجد.... لخبطنى المضروب
اختلطت انا ..واختلط الامر..ولايعلم الحكمة الا الله
بس ممكن نقول ان ده mixing عشان افتكر الindustry واسيب النت.. واقوم اذاكر..؟
ولتحيا كلية الصيدلة التى كدرت حياتى وعلمتنى كيف اخلط الامر قبل ان يختلط هو عليا
صيدللللا ...صيدللللا...صيدللللا....الللالا
هناك 4 تعليقات:
احنا هنتلكك بالصيدلة ..
طب كلها شهر .. و تخلصي ..
تفتكري ال mixing هيبطل .. او هيختفي ؟؟
ابدا ..
عاااااااااادي ..
وبالنوسبة لخطاب عمك بوش .. انتي مكنتيش لسه رحتي اعتذرتي ؟
والله انتى منورة المكان
ايوه فعلا النمل كان عايز يقول حاجة
كان عايز يقولك قومى ذاكرى :)
تحياتى
مدونتك جميلة اوى
سلام :)
ههههههههه
هههههههه
شكرا لتوضيح رسالة النمل الخفية
كده احد الغاز حياتى اتفك
ونورت المدونة يافندم
إرسال تعليق