تسلم ايد اللى حدف..

طول عمرى اقول الراجل ده يستاهل ضرب الجزمة

بس عمرى م كنت اتخيل ان امنيتى هتحقق بسرعة كده

تسلم ايد اللى حدف..

وان كان هذا البطل نشانجى عظيم ..لكن بوش برده نفد منها

المهم ان الرسالة وصلت

ربنا معاك يا بطل ويخرجك منها على خير

انت ادخلت السرور على قلب وطن بحاله..نفسه يفرح

التسديدة دى فتحت باب امل كبييييييييييييييييييير

احنا ممكن نتحرك بجد

مش كده ...؟

انا لله وانا اليه راجعون

رحمك الله خالى العزيز وابدلك دارا خيرا من دارك

طفى اللنده..

حسبت ما ارتأى لى اثارا لمصدر ضوء فى طليعة اشراقه

انتظرت قدومه

اتى فى خطوات بطيئة

وعندما حانت لحظة الظهور

اذا به ضوء اخضر..

افضله حين يسمح لى بالمرور

ولكن ارفض العيش تحت سقف هذا الضوء ..

ارفض اختراقه لى

اتمرد على وجوده

اكره الضوء الاخضر لدرجة جعلتنى اهتف حين لاح امامى

باعلى صوت

.

.

جول لامايتك .. طفى اللندة .. ياراندا ..

ده الليل نعسان

waiting>>>>

something bright appeared

coming soo slowly

........from a distance that not sooo far

اللى عاوزة تسافر تمشى وتخلصنى....

بدأت بنبضة..

تحولت لرغبة متجددة ف تغيير الزمان والمكان..

واشتياق للمجهول اكبر من الرغبة ف الاستمتاع بالواقع

مع امل غير مبرر ينبعث بين الحين والاخر

سمة جمعتنا ولم نقرر ان نكن سويا

وعندما تولدت رغبتنا ف البقاء معا مهما تكن الظروف

عصف بنا طوفان الاحداث كى يمزقنا كل ممزق

فى مشارق الارض ومغاربها

وقد كنت ازعم اننى لن استطيع العيش هكذا

بدون اى منكن

بدءا منك ..

مرورا بك..

رسمت الخطة ولم يبق سوى التنفيذ

وينتظر قطار الرحيل المزيد

فلتذهبن جميعا الان..

اريد ان تنتزع روحى مرة واحدة

لست من هواة التقسيط المريح

ولستن من طائفة الكورتيزون التى تحتاج لgradual withdrowing

..

.

سئمت غصص الانتظار

مجرد شيكولاتة

تذوقتها بكل حواسى

ادركت سحرها

عشقت لونها

..

.

راودنى خاطرا ذات يوم انها سوف تحكم العالم

وها قد تحقق ما ارتأى لى

حنين..

صوتا يصرخ

يحاول جاهدا الخروج

والذهاب الى هناك

الى حيث تسكن تلك الذكريات

كائن عجيب..يدعى حنين

يصحب استيقاظه ..

ضيق ف محيط النفس

قطرات من الماء تنسدل من عينها لاتعلم لها مسمى لشدة سرعتها

نظرات شاردة..لا ترصد الواقع

انين خافت

..الم..مجهول المصدر

لا يستطيع هذا الكائن الخروج من داخلها

وعجزت هى الاخرى عن التأقلم مع وجوده

يستيقظ كل فترة

يثور ويثور حتى ييأس من وجود سبيل للخروج

فيهدأ..

ويغشى عليه

ويذهب فى سبات عميق

الى ان توقظه لمسات غير متوقعة

....وهنا تكمن قوته

وماذا بعد...؟

ها قد استيقظت المتمردة من جديد

وكنت حسبتها هدأت واطمأنت

تعصف بتمردها كل ما لا يتفق مع قناعاتها

وتكتشف فجأة ان هذا الشاطئ الذى حسبته مرساها

ما هو الا جزيرة قد اعترضت الطريق

فماذا بعد...

الا توجد راحة فى هذه الدنيا

التى تجسدت كمسلسل بحث عن الافضل من حلقات غير منتهية

ترى اهذا الذى ارسمه وارتأيه هو طريق النجاة

ام انه سراب خدعتنى اشعته وقادتنى الى مجهول

ربى ان لم يكن بك غضب على فلا ابالى....

جارى التحميل........

وعندما استعدت القدرة على النطق بعد طول مرمطة ف محاولة للحصول على احدى وظايفك يامصر النهاردة يوم جديد ..على بداية توظيفى رسميا شهيد..

هدأت امواج التمرد..ورست سفينة البحث على شاطئ صيدلية الجلاء

وبعد تربيط مع احد اعضاء الخمساوية(دفعة صيدلة حديثاللى شافت اللى محدش شافه) و اللى ظهر ف ظروف غامضة ف ملابسات الصدف العجيبة..(وما جدعنة الا بعد ندالة)

تمكننا من وضع الدكتورة ف مزنق

عشان تقلل فترة الذل الازلى فيما يطلقون عليهtraining وانقضت خمس ساعات من النهار انقضت كخمس ايام بكل حوادثها

بداية من طفل الحقنة اللى انفصلت سرنجته عن ابرته التى تمسكت بجسده رافضة الرجوع..ولكن تمكننا من وضع الموقف تحت السيطرة انتهاءا بكم هائل من الطلبيات لم يشهده هذا المكان من قبل..فقط من اجل طلوع عين ..العبدة لله وختاما بصاحب الموبايل المسروق

مع دمعتين عابرتين لتوديع حبيبتى وغلاف قلبى التى قررت ان تغادر موطننا الطفولى الى عش الزوجية البعيد جدا تاركة اياى هاهنا ..اتابعها ف لحظات من الاندهاش وعدم الاستيعاب

وماذا بعد امزيدا من الفراق احتمل..ام تنهار قوى احتمالى تاركة اثار لجسد بشرى كان هنا منذ قليل

.... .. .

صباااااح الخييييييييييير يامصر

اليوم ف تمام الساعة الثانية عشرة ظهرا همسك اول sheft فيكى يامصر معقولة استأمنتينى على حتة منك...؟ اعذرينى ..مش مصدقة بعد اللى عملتيه فيا صحيح هو من غير فلوس ..بس ديه اكتر حاجة فرحتنى متستغربيش كده ..نزلى حواجبك.. اصلى كده هشتغل بمزاجى انا ومش هعمل زيهم..النهاردة اجازة للجماعة الهباشين مفيش هبش النهااااااااااااااااااااااااردة يلا العواف ولينا لقاء

لاملجأ منك الا اليك....!!!

رحل ذو الوجه البرئ د.عمرو ف حادث ليس بغامض ولكنه فاجأنا جميعا فقد كنا نحسبه بعيدا واطل ليثبت انه قريبا رحمه الله واسكنه فسيح جناته

....!!!!!!BOOM BOOM BOOM

انا جاوبت صح فعلا ....؟

LOOOOOOOOOOOOOOOOOOOOOOOL

شكرا جروبى العزيز على كميات الCONGRATULATION الهائلة اللى

اللى اطلقت العنان لمخيلتى انى ممكن اوصل للسحاب ف يوم من الايام

وابقى معاكم من الصيادلة الجامدين ومبقاش صيدلى تعبان

"فكرونى اسئلتك..بامتحاناتى اللى راحوا"

http://www.facebook.com/n/?topic.php&uid=20692456974&topic=6730&post=19639#post19639

لى الفخر بالانضمام ليكم

كنت محتاجة حاجة ترفع المعنويات اللى كانت كل حاجة بتحاول تنزلها اسفل سافلين

لدرجة انى فكرت احول من صيدلة بعد م اتخرجت

وكأن تخرجى ده ذنب اقترفته واستحق عليه ان توقع على اقصى عقوبة

" يافاشل يا فاشل يا فاشل"

متلعبيش معايا الدنيئة يامصر..روحى اتشطرى ع اللى قتلوا سوزان تميم ف دبى وانتى نايمة على ودانك

منا قلت لك قبل كده ..

قاعدة لك يامصر .. ومش هروح زى اللى راحوا

sweet dreams...!!!!

بينما عيناى مشرقتان

استغرقت بحلم

وقد ارتأى لى ..شاطئ تنسال فيه الامواج.. لتذهب ملامح ارتسمت على رماله

وبرغم دقة الحفر وكثرة ماعلق بالرمال.. نجح الموج فى ازالة كل ماكان

وعاد الشاطئ ناعم ..املس ..كأن لم يمسسه احد من البشر

وتمنيت لو كان قلبى كرمال الشاطئ

فيجد نده من يستطيع تفقده لتنقية ماعلق به

.

.

أسألك ربى ان تمنحنى تلك الهبة

كى يحيا قلبى صبيا تارة وطفلا تارة

فلا تطول عليه غمة تنسيه ما كان عليه

انهزامات متوقعة....

نزف داخلى لااستطيع تحديد مصدره

دموع بلا انقطاع

شلال من الوهن اودى بقليل من الامل كنت اتعلق به

سلسلة من عدم الرضا والتمرد على الوضع الحالى

واعود كما كنت دائما..

متمردة ع الوضع الحالى

ولا زلت انبض حيا....!!.

جاء اليوم وذهب الامس .. بعد الليل الصبح غدا

على ورقة تباع الشمس .. نامت قطورة الندا

لااال بخار الماء .. هيا هيا قطورة

طييرى ف السما .. للغيمة معنا مسروورة

صارت قطورة مطرة .. سقطت على رأس الشجرة

نزلت قطوورة حتى .. وجدت قطرات شتى

وانسحبت عبر الصنبور .. سقطت على ايدى طفلة

تلعب ف الماء بسرور .. تصرف والكل بغفلة

قاالت قطورة نعمة

يا طفلة الماء ذهب

footprints left behind...!!!!!

على شاطئ ذلك البحر الذى لم يراه احد سواى

انطلقت بنات افكارى ..رافقتهن الى حيث اشعر ..ولم اهتم قط بما يجب

شهدت احداهن راغبة ف الطيران والتحليق فوق البحر اثناء الغروب

بينما اثرت اخرى السير على الارض..

وغيرها فضلت المكوث بجوار صخرة مراقبة تلاطم الامواج ولم تنبس ببنت شفه منبهرة بحيوية الامواج وانعكاس الاضواء على وجهها

وغيرهن لم استطع حتى التعبير عن اى منهن بكلمة واحدة...فدفنوا قبل ان يولدوا بسبب عجزى

وبينما انا اراقبهن..

تراءى لى حلم جميل..عشته بكل تفاصيله ومعانيه لايمكن تجسيده الا ف المدينة الفاضلة

ارتفع صوت الواقع فجاة ..فايقظنى من حلمى..وجذبنى بعنف من الشاطئ ..قذفنى على ارضه

فاهتزت كل جوارحى وعلمت انى عدت

فهذا حالى عندما اهتم بما اشعر ولا اهتم بما يجب ان يكون

فليهدينى ربى لاقرب من هذا رشدا

قاعدة لك يامصر وحياتك...!!

الخميس..31-7-2008..الساعة الثانية عشرة ظهرا

فى ساعته وتاريخه ..لبست الحتة الفورمال وانطلقت بحثا عن وظيفة

كان اول اترفيوووووووووون ليا ف الصيدلية اللى كان نفسى اشتغل فيها

صحيح عمو الدكتور قال لى انه المكانfull occupied ومفيش فرصة تدريب حتى

بس كان باين ف عيونه الاسف.. لما قال لى انه كان يتشرف انى اشتغل معاه....انا متأكده:)))

يلا مش مهم هو الخسران

ولن اسستسسلم ابدااا..وقاعدة لك يامصر مش هروح زى اللى راحوا

لما اشوف اخرتها ايه معاكى

acute withdrowal symptoms

وحشتينى اوى بجد..

ومبقاش عندى امل نرجع زى الاول

ونجحت تلك المسافات اللعينة والاحداث المتتالية انها تغيرك وتخليكى تنسى وتكبرى

فليتولانى الرب اذا

ولتذهب الصداقة الى الجحيم اذا شاركت ف جذب الانسان خلفا بدلا من دفعه للامام

ولاذهب انا ايضا معها ان طالت فترة الرثاء والبقاء بجوار الاطلال

ليت الtolerance يعود يوما

تحية مصر..!!!!!

يامصر ارحمى ضعفى ف هواكى..مقدرش اعيش براكى..وان حصل يوم ومشيت..هسيب روحى معاكى

متقسيش عليا..ده انا منك وليكى وعشقاكى..

بعد 5 سنين تعب وشقا اخد زيي زي اللى من ضهره رماكى..

انا راضية ذمتك..وقولى لى ..اسيبك ولا افضل معاكى

ناس ومداس ومولد ماله قياس...تخبيط وتنطيط وشخابيط وزحمة بالعبيط

..سارقينك هما ومش راحمينك..وياريتنى عملت اللى عليا معاكى

بس لما وقفت وفكرت انى زمان ف حقك قصرت وكبرت

وانك من حقك تقسى عليا شوية ..قررت..

اخوض المعركة دى ليكى وليا.. جايز تكونى بتتدلعى شوية عليا

بس يارب الحقك قبل متتطربق عليكى وعليا

عجبت لك ايها الفحم...!!!!

كيف رضيت بكونك فحما وانت تمتلك مكونات الماس..!!!

يبحث عنه الجميع ويقدرونه بملايين الملايين .. اتاريك بتولع ف نفسك..

ولكنى التمس لك عذرا ..فحالك يذكرنى بما أعانيه

فانى اعلم ان الجنة خلقت لى ومفتاحها قلب خاشع ليه بطينين واذينين عادى يعنى شبه اللى عندى

ولكنى لاأستطيع ضبط زواياه ليتحول شكله البنائى لقلب خاشع..

كم تمنيت ان اصنع منك قلبى قلبا مخروطى الشكل ..شفاف ..

يعكس بريقه كل الاضواء وتمر منه أشعة الشمس فتتحلل الى الوانها السبع ..

اجعل سنك يرتكزعلى اصبع بشرى يستمتع بالنظر اليه .. يرى جميع مكوناته .. يعرف جميع قدراته دون الحاجة الى التساؤل

نسبوك الى قلبى ولكنى لاأملك لك وثيقة ملكية حتى الان تمكنى من أصلاحك..

فليمكننى منك ربى قبل فوات الاوان

انا وانا بتعرف على حتة منى..!!!!

الزمان..ايام الاندسترى ..*الهى لا يرجعها*

المكان..جسدى على كرسى لاين كينج بتاع المذاكرة..الورق ف مكان.. ومخى ف بلكون تانى خالص طبعا

المود..تكاد ام رأسى تتفتق من كثرة تزاحم الافكار اللى بتتخانق مين فيها يطلع الاول

وف تلك الاثناء ينزلق القلم كاتبا ما لاأعلم انه بداخلى.....

ها أنا على حافة ما أخشاه مجددا

هذا البناء(كلية صيدلة يعنى) الذى لم يلق منى سوى عبارات السب والقذف والفاظ ..من المنقى خيار

قد اصبح ساكنا بداخلى..صورته ونسيمه وكل اجزاؤه تسيطر على عالمى الخاص الذى تحلق فيه روحى كيفما تشاء..وحيدة او بصحبة من أختار..

اكتشفت عشقى له الذى طالما حاولت الهروب منه ..حنينا يأخذنى اليه..يطلق دمعتين ساكنتين..من لوعة انتزاعه من اعماقى

فقد اخذ مكانه واستقر..تمركز ساكنا ثم..

جاءت تلك الاحداث لتزلزل ماسكن لمدة خمس سنوات.. فتهز ما تشاء وتعرقل من تشاء وتصيب هذا الكائن الصغير الذىولد فى هذا المكان بجروح خطيرة راغبة ف طرده من المكان

اقف امامه ..اسمع اهاته...استغاثاته..صيحاته...اشاهد انهيار احلامه واعجز ان اضمد جراحه

ولا اجد من نفسى سوى التنفس ببطء والابحار بعيدا هربا من مواجهة ماهو منتظر

اغلق سلسلة افكار اكتظت من صندقها راغبة ف الانطلاق واحاول جاهدة الا اسمح لها بالهرب

كى لاتكمل مسلسل التشويش الانهائى بحلقاته المتصلة

راغبة فى انقاذ مايمكن انقاذه

بكلمنى شكرا...

لوكنت اعلم ما كنت لاخشى..ولكن خشيت فارهقنى خوفى مماأخشى

وان كنت قد علمت لارهقنى حزنى على ما علمت ...وتوقف بحثى لمعرفة ما أخشى

ولكن......هناك درب اخر

استمتاعى بجهل ما وراء الحدث واصطياد أجمل ما ف اللحظة

وهو ما يجعلنى أقاوم و استمر

فترك المستقبل والوله بالبحث عنه متعة..فانه ات لامحالة

وعندما يأتى يفقد خصوصيته ويصبح حاضرا فيصبح جزءا من اللحظة التى قررت ان اغتنمها لى

فيكون لى وليس لاحد سواى

mixinggggggggg

اختلط عليا الامر لما سمعت العصافير صاحية قبل اذان الفجر واختلط عليا الامر لما شفت تجمعات النمل العظيمة اللى اتجمعت ف اقل من نصف دقيقة على الحيطة وعملت شكل غريب..حسيت منه ان النمل عاوز يقول حاجة..! واختلط عليا الامر لماحسيت بالوحدة وانا مع كل الناس اللى بحبهم واللى هما جزء منى وانا جزء منهم واختلط عليا الامر برده لما نزلت دموعى ولقيت السما بتشاركنى بدموعها الهادئة ف شهر مايو اكتر من مرة على غير عادة واختلطت انا شخصيا من غير الامر لما سمعت عمو بوش ف خطابه امام الكنيست بمناسبة عيد ميلاد اسرائيل(اللى طلعت نفس برجى) اللى حسسنى ان انا اللى غلط وانى لازم اقوم اعتذر لاسرائيل حالا على م اقترفته ف حق هذا البلد المناضل لا بجد.... لخبطنى المضروب اختلطت انا ..واختلط الامر..ولايعلم الحكمة الا الله بس ممكن نقول ان ده mixing عشان افتكر الindustry واسيب النت.. واقوم اذاكر..؟ ولتحيا كلية الصيدلة التى كدرت حياتى وعلمتنى كيف اخلط الامر قبل ان يختلط هو عليا صيدللللا ...صيدللللا...صيدللللا....الللالا

على حافة ما أخشاه....!

اخشى ان افقدك قبل موعد فقدانك... او ان افقد نفسى من كثرة ماخشيت...

واظل المتمردة ع الوضع الحالى.........!

تبقى دقات معدودة للساعة ... لقلبى .. لوقع اقدامى كى اتمم الثانية والعشرين من عمر قد مضى لااعلم ان كان عمرى حقا..ام انه سرق منى فى غفلة!!!!!!!!! وماذا بعد....؟؟؟؟؟ أانضم للسماوات والارض فى موقف رفض حمل الامانة..... ام أمضى فى مسلسل خيانة الامانة....؟؟ ايا كان فقد مضى ما مضى بكل مافيه وسأظل المتمردة ع الوضع الحالى.. حتى اذعان اخر الحمد لله على كل ما وهبنى من نعم غطتنى حتى غمرتنى وسالت من جوانبى وفاضت من حولى اللهم انك عفو تحب العفو فاعفو عنا .

احدى نوبات البحث........!!

مر يومي كأى يوم ..اشرقت شمسه...مارست عاداتى السيئة منها والحسنة ولم يلحظ من حولى تلك الثورة العارمة بداخلى الا ف قليل من التغيير يكاد لا يذكر

ابحث ...لا اعلم عما ابحث ....لا استطيع التوقف.. ولا استطيع النطق بما اشعر

ترى هل ابحث عن نفسى لفقدانى كود التعرف عليها فترة من الزمن.. ام ابحث عما يكمل نفسى لاكمال الpuzzle المبهم الذى ينتظر الخروج للنور بعد ان يشعر انه اصبح له معنى

هل ابحث عما يوجد بداخلى وغطاه غبار الزمن..عن غد افضل.. ام عن امس قد رحل

كل ما اذكره ان فى تلك اللحظة تساقطت جفونى لتغلق يوما مر كأى يوم..ساعات مضت سرتها على قدمى هائمة على اسفلت الطرق

وعدت لاغلقه بنهايته الحتمية النوووووووووووووووووم فلم يتبقى منه سوى دقيقة ..بل نصف دقيقة تمكنت فيها من اغلاق شعاع النور المستحيل المنبعث من مصباح غرفة ينسمها هواء ليل بارد ليطفىء نار اشتعلت ف الظهيرة

ترى اكانت نار الحر ..ام نار الام جسدى المتأوه من شدة الاعياء

ايا كانت ..فقد انتهى اليوم تاركا احداث بلا رجعة

استمررررررررررررررررررررررررر............!!!!!!!!!!!

لااعرف عما ابحث ......ولكنى لا استطيع التوقف عن البحث عنه

رب ارجعون.....!!!!!!!!!!!!!!!!!!1

اول مرة احس برغبة حقيقية ف ادارة عجلة الزمن ف اتجاه عكسى كان نفسى اشوفه اوى بجد ومش عارفة ايه اللى عطلنى ده كله مع ان المسافة بيننا مش بعيدة اوى كده قصرت معاك اوى ...حتى رسايلك كنت بكسل ارد عليها.. ولما كنت بتصل مرة والاقيك مش متاح مكنتش بحاول تانى ...والنتيجة ايه انا اللى بتعذب دلوقتى والله .. مكنتش فاكرة ان اخر منظر هشوفك فيه وانت لابس ابيض وبيفوح منك المسك ويشيلوك بعدها وتذهب من امامى بلا رجعة الناس كلها بتبكى عليك من لوعة الفراق وانا بكايا عليك فراق وندم سامحنى يارب على تقصيرى ف حقه وخليه هو كمان يسامحنى ارحمه يا ارحم الراحمين ..افسح له فى قبره ..اجعله روضة من رياض الجنة الله يرحمك ياعمى....

وحشتنى اوى

باسمك نحيا...

اتيتك احمل اليك نفسى التى وهبتنى اياها

بحثت عن شفرة اختراقها ولم القاها

سألتك ان تعفو عن تلك النفس التى تحمل من الجهل ما تنوء به الجبال عن حمله

وان كان العلم مبتغاها

مهد ليا السبيل على خطى من احببت فضعف نفسى قد اعياها

يطلب الاسرى التحرر واطلب منك ان تأسر قلبى فى حبك وحدك

هذا رجائى فاقبلنى فانا الفقيرة اليك وتلك نوايايا لا املك سواها

صورة الدفعة ..غيرتى مودى

الان وبعد مشقة دامت حوالى 3 اسابيع على التوالى استعدت القدرة من جديد

عادت الى الرغبة ف الحياة...الحماس....انطلاقة جديدة

i can feel i'm freeeeeeeeeeeeeeeeeeeeeeee

voooooooooooooooooooooooooooooooooooo

ياترى انا مودى اوى كده ولا فعلا الاحداث اللى حصلت اثرت فيا

مش مهم كل ده

المهم انى دلوقتى حاسة بحضن اصحابى اللى بحبهم وبقوا جزء منى

كل حاجة ممكن تهون لو فضلتو جنبى..انتو وقودى ودافعى ونقطة انطلاقى

لما بنبقى كلنا ف اطار واحد زى اللى حصل امبارح ف صورة الدفعة كده بحس انى طايرة بجد وببقى زى الكاوتشوك

..........ايوة كاوتشوك بيمتص اى صدمات من غير م يحصل له حاجة

رغم ان الفترة اللى فاتت دى كانت صعبة عليا اوى نسيت كل حاجة لما شفتكم وبيتنا مع بعض وسهرنا وضحكنا واتعاتبنا وبكينا ورقصنا وفرحناواتصورنا واكلنا وشربنا

جددتوا مودى وصبرتونى وادتونى طاقة كبيرة عشان اسبوع العمل المكثف اللى بخطط له من زمااااااااااان ده

ربنا يخليكوا ليا يا كنز حياتى الذى لايملكه انسان سواى

بعد كل ده ......... لا بجد حقيقى......انا مش لاقية نفسى فيكى ياصيدلة

هههههههههههههههههههههههه

بعد اربع سنين و نصف بفكر احول

ههههههههههههههههههههههههه

يظهر فعلا الدماغ عليت ولا فكرة الامر المحال اللى انا بيه اغتويت سيطرت عليا وفككت صواميل مخى

اعقلى يا بوكى... رغم انك احساس ماشى على الارض وصيدلة دى لمؤاخذة مكان ملوش علاقة بالموضوع ده خالص

بس انا هحاول اخليها على طريقتى

مش نافع بقى كل مرة الانسحاب ,,لازم المرة دى اقف لى بجد

اييييه..شكلى مش عاجبنى الكلام

هقف لى عشان انقذنى

اولا.فصل مؤقت من الكلية لمدة اسبوعمع عصر ليمونة ع الشفتين وهنكمل اللى باقى وبعدين ربنا يحلها وينور لنا الطريق الصح

ثانيا.فصل مؤقت عن حبيبتى اللى ادمنت هواها وقررت انى ابطلها بعد طول عنائى معاها وحبيبى ياعمرى انا كلى جراح لو كنت حبيبك سيبنى ارتاح وهنكتفى ب اروح على صورتك اخدها ف حضنى وانام واهى حاجة وبتصبرنى على الايام

تالتا.اعادة اتصال بكتابى العزيز اللى هجرته ومن يومها مجيتش يوم قدام

اربعا.تغطية ما اقترفه الزمن من العبث معى من سرقة صبغة شعرى وانا لسه ف عز شبابى

خمستون.نجميع اشلاءى فى محاولة جديدة لمواجهة الدنيا فيما تبقى من عمرى والصبر الصبر

سادسا.هنبطل دور العقل والرزانة اللى مش لايق ولا نافع ولاحاجة خالص ونبدأنهرتل بأه

هرتل هرتل ياعم الحاج

على حافة ما اخشاه2.....!

كنز حياتى الذى لايملكه انسان سواى.......! جروب حياتى...اللى لو ضاقت بيا هبقى عاوزاهم يكونوا حواليا ولو ضحكت ليا اخلاصهم عمره مهيبقى حمل عليا عشرة خمس سنين ...عدو بسرعة اوى اصطدمنا كتير وقربنا من بعض اكتر وسابت الايام والاحداث جوانا علامات بتبرق ومحدش ممكن يشوف بريقها غيرنا سولميتتى رفيقة طريقى ودولابى وسريرى وقيام ليلى(الشهيرة بحاتحور)وغلاف قلبى الرقيق وحاملة خواطرى وشريكتى ف مجلد سجل يازمان(lvu) والمعلم الكبير(sosan) اللى محدش بيقدر عليها اللى واخدها عافية بس مش علينا ولمؤاخذة هتفضلى معانا غصب عنك و(la vash)رفيقة الكفاح الطويل فى زنزانةكلية الصيدلة لمدة خمس سنين مع الشغل ف السكاشن والنفاذ ف الامتحانات وجديرا بالذكر الكتكوتة اللى كسرت قاعدة الاحجام وطلعت لنا قلب كتكوت ف حجم ...طوييييل (شوشو)يعنى حبيبتى وجارتى واكبر رقم قياسى من رسايل كلمنى شكرا ورفيقة بلابيع النسكافيه ف الخمسينة وقرش الكابوتشينو وخواطر وحكايات ملهاش اول من اخر كل واحدة منهم معاها مفتاح ليها لوحدها محدش يعرفه غيرها بتدخل جوه عالمى بيه وتلاقى مكانها وتقعد فيه وتمارس سياسة التأثير على اوتار قلبى باسلوبها لن ارضى عنكم بديلا... مش عارفة الخريطة الغريبة اللى بتترسم عشان تبعدنا دى هتعمل كده ازاى انى على حافة ما اخشاه مجددا my dear fofo sisters...cant imagine my life wizout u.......! وعجبى

حنين ياخذنى اليكى من جديد...!

بداية بانجذاب روحى لا يعلم سحره وسره الا الله..يتبعه بحث ع النت..مكالمة مجنونة..مطاردة مطردة لاحداثك بشكل مستمر وبعد سنة يجمعنا سيكشن واحد وتتكشف المختبئات ..وعمرى م ندمت على جنانى ده يااااااااااااااااااااه.... فلاش باك اخدنى لاول يوم كلمتك فيه لما جبت رقمك من ع النت وكلمتك من غير م اقولك انا مين هههههههههه انا عارفة انى مجنونة معظم الاوقات ... بس احلى جنان ..خرجت منه باحلى هدية ياقطتى صدقينى محدش يعرف قيمتك غيرى ياخطيبتى فور ايفر اوعى تزعلى ياحبى..على رايك قطيعة ع الرجالة وسنينها واحنا كنا اخدنا منهم ايه غيرحلاقة الدقن اسمحى لى ...بحسد نفسى وبقول محلاها عيشة العزوبية والان عرض خاص بتخفيضات هائلة وامكانية تكبير دماغ لم تكن متوفرة من قبل يمكنك تجديد حسابك لدينا (مع غض النظر عن كل الظروف اللى فرقتنا قبل كده لسه مفتاحك بيفتح ف مكانه اللى مستنيكى زى ماهو بنفس تفاصيله) سامحينى لما انسحبت وسيبتك ..اتخنقت..وانتى عارفة العادة المعهودة ..انسحاب هادىء ..واسيب الليلة كلها للى باصص فيها بس عمرى م هشوفك محتجانى واقف اتفرج عليكى من بعيد دموعك غالية اوى والله

على حافة ما اخشاه....!

منذ عرفت السير على هذه الارض التى تلمسها قدماى وانا اشعر.... مشاعرى هى محركى ودافعى ولا اعلم لى محرك سواها اتعلق باشيائى.. باصحابى .. باماكن سمعت لها انين واخرى سمعت ضحكاتها ورايت ابتساماتها وشوقها الى ان غبت عنها وكأن كل مكان صاحبته وصاحبنى.. كل تاريخ اسر جزء منى.. كل صديق غاب ونسينى اخد معاه مفتاح ليه لوحده مفتاحه للمكان اللى بيحمل تأثيره جوايا ولايستطيع احدا سواه الدخول اليه سئمت وداعهم .. وارهقنى نسيانهم وجفاؤهم مما يطلق عليه البعض (الدنيا مشاغل) عمرى منسيتكم..ذكراهم لسه بتأثر فيا وبتنزلها دموعى من شوقى ليهم كانت الحاجة الوحيدة اللى قدرت تهون عليا وتخلى مطاردتهم ليا تقل واحدة حست بيا ف لحظة خلت تاريخ احساسى بوجودها ف الحياة والمكان اللى شاركتنى فيه الامى لاول مرة يأسرنى هو كمان وياخد مفتاحه معاه المكان ده كان مسجد عمرو بن العاص ليلة 29 رمضان.......2005.ساعتها دعيت ربنا وقلت له انى محتجاها اوى وانا معرفش انها هى البنى ادمة اللى بتصلى جنبى وان الدعوة ممكن تستجاب بسرعة اوى كده والاقى نصى التانى وانتيمتى اللى افتقدتها فترة طويلة من الزمن... كنت بكلمها قبل م اشوفها وكنت بحكيلها كل حاجة قبل م اشوفها اتعلقت بيها اوى...اتخانفت معاها عدد لابأس به ف فترة وجيزة لدرجة انى حاسة اننا حطمنا رقم قياسى ممكن يتسجل ف موسوعة جينيس استحملتنى كتير واستحملتها كتيروعدينا مراحل كتيييير اوى مكنتش اتصور انها ممكن تعدى مفيش حاجة ممكن تفرحنى لو حسيت انها تعبانة او متضايقة كان ممكن اقطع مسافات طوييييييلة اوى وهى ساكنة ف اخر الدنيا عشان بس اشوفها واطمن عليها كروت المصرية للاتصالات يتعمل منها مجلدات عشان بس اسمع صوتها اللى بيشحننى طاقة ملهاش حدود وبعد كل ده ايييييه باقى شهرين فعلا ومش هشوفك تانى........؟ ده بجد .. خلاص العد التنازلى بدأ... بس ليه بدأتيه انتى بدرى كده.... بتأقلمى نفسك من دلوقتى على عدم وجودى وانا مصدقت لقيتك اهون عليا اشوف الاماكن والوجود المادى هو اللى بيفرقنا بس كان عندى امل انى افضل جواكى زى مانتى على طول معايا..بلاش تتفقى مع الظروف عليا ..مش قادرة استحمل الاحساس ده ده انتى اكتر واحدة عارفة انك منة ربنا ليا وانى بتعب اوى من غيرك ومش طالبة حاجة عويصة اوى يعنى ده انا بس طالبه 2دقيقة من وقتك الثمين عشان تردى عليا واسمع صوتك اللى اتعودت عليه وبقى جزء مهم ف حياتى اليومية......يااااااااااااااااااااااه ده انتى اللى كنتى بتكلمينى على طول بس ده كان زمااااااااااااان

هو انتى ناوية تنسى زيهم... ولانسيتى اصلا ولا ايه ده انا بقى ليا ف الجبال علامات وع القفا خرايط ومرتفعات وعجبى.......