الثلاثاء، 11 أكتوبر 2016

النهاردة يومي

النهاردة يوم من الايام الى بقضيها لوحدى وانا تعبانة ومحبطة ومحتاجة سند
ليه لوحدى..عشان مبقاش عندى اصحاب حقيقيين..عشان بعيد عن كل الى اعرفهم بمسافة كبيرة..عشان اتجوزت واحد مش فاضي يعيش مع حد
كل واحد بيتحمل نتيجة اختياره..وانا النهاردة بدفع جزء بسيط من تمن اختيارى
النهاردة من غير م اقرر شلت جوه نفسي كتييير..قلبت ف دفاترى القديمة كتييير
بس الى خلانى اكتب انى غير كل المرات مش قادرة اعيط..مش قادرة انزل اخرج..مش قادرة اكلم حد
بحاول الاقي طريق الرضا بس مش لاقية غير الاستسلام وماشية فيه منزعجة مش عاوزة اواجه..مش عاوزة اخسر اكتر من كده