بعد كل ده ......... لا بجد حقيقى......انا مش لاقية نفسى فيكى ياصيدلة
هههههههههههههههههههههههه
بعد اربع سنين و نصف بفكر احول
ههههههههههههههههههههههههه
يظهر فعلا الدماغ عليت ولا فكرة الامر المحال اللى انا بيه اغتويت سيطرت عليا وفككت صواميل مخى
اعقلى يا بوكى... رغم انك احساس ماشى على الارض وصيدلة دى لمؤاخذة مكان ملوش علاقة بالموضوع ده خالص
بس انا هحاول اخليها على طريقتى
مش نافع بقى كل مرة الانسحاب ,,لازم المرة دى اقف لى بجد
اييييه..شكلى مش عاجبنى الكلام
هقف لى عشان انقذنى
اولا.فصل مؤقت من الكلية لمدة اسبوعمع عصر ليمونة ع الشفتين وهنكمل اللى باقى وبعدين ربنا يحلها وينور لنا الطريق الصح
ثانيا.فصل مؤقت عن حبيبتى اللى ادمنت هواها وقررت انى ابطلها بعد طول عنائى معاها وحبيبى ياعمرى انا كلى جراح لو كنت حبيبك سيبنى ارتاح وهنكتفى ب اروح على صورتك اخدها ف حضنى وانام واهى حاجة وبتصبرنى على الايام
تالتا.اعادة اتصال بكتابى العزيز اللى هجرته ومن يومها مجيتش يوم قدام
اربعا.تغطية ما اقترفه الزمن من العبث معى من سرقة صبغة شعرى وانا لسه ف عز شبابى
خمستون.نجميع اشلاءى فى محاولة جديدة لمواجهة الدنيا فيما تبقى من عمرى والصبر الصبر
سادسا.هنبطل دور العقل والرزانة اللى مش لايق ولا نافع ولاحاجة خالص ونبدأنهرتل بأه
هرتل هرتل ياعم الحاج
هناك تعليق واحد:
مش عارف والله
ايه اللى جاب رجلى هنا فى المدونة دى
بس اكيد خير
مش عارف بقه ايه قصة البنات اليومين دول
حاجه عجيبه جدا
تبقى البنت كويسه كويسه
وفجأه :انا عندى احباط
وانا عاوزة انتحر وواحده تانيه تقول انا عاوزة ابقى هايفه والله كل ده كلام بيحصل
ظاهرة غريبه اوى
وخاصة فى المدونين البنات
مع انى شايف ان الموضوع مش مستاهل
شوية دلع يعنى من الاخر
يعنى لوجالها عريس
عينى يالالى ياسيدى يالالى
هاتسيبها من التدوين ومن كل حاجه
والتعب النفسى هايخلص ويقضى عليه
ربنا يوفقكم كلكم
قولو امين
تقبلو مرورى
إرسال تعليق