الجمعة، 28 أكتوبر 2022

ساعات بغير

ولسه بستغربني وفي عز استغرابي بشوف حواليا غربتي بتزيد.. .. كل ما الاقي مسافاتنا تزيد يدب ف قلبي عمق جديد ياخدني ويهبط بيا لتحت واحاول اطلع تاني للنور .. لكن بدون جدوى الا لو ندهت عليا تطلعلي جناح فراشات تخليني اطير وين ما يكون وروحي تخف وتهدى .. وكأن ما فات اللي فات وننسى سواد الذكريات بحب صوتها وندهته .. بحب اهتمامها وضحكتها وشوقها اللي دايما لغيري رايح بحب ولعها بالاشياء بحب برائتها في الاستكشاف وبحب عيني وهي شايفاها .. والدنيا بتنور وتحلو لما بكون معاها بس اول م تجيب سيرة المعرفش مين بتوعها دول تاخدني سكتي لاول حفرة وتنزلني هناك واتقل وادوخ واصوم اصوم عن الفرحة والضحكة اللي م القلب وامثل اني حي وانا جوايا حاجة بتطفي وتموت واخجل اقول اني بغير.. واخجل اقول اني مش عاوزة اسمع غير اخبارك.. و ونتكلم عما بيني وبينك وهو بيكبر وما دونه يكون مهم لو هنحكيه من باب العلم بالجديد لكن لو من باب استحضارك لغلاوتهم قدامي يبقا طلق حامي متوجه للعيل اللي ماسك فيكي وعاوزك معاه وخلاص ولا اعرف منين جاله ده الاحساس ولا اعرف له نهاية ولا اعرف منه ملاذ

ليست هناك تعليقات: